ନୀରବତା ପଛ ରେ ରହିଛି କେଉଁ ରହସ୍ୟ ?

ଦ ରୁରାଲ ନ୍ୟୁଜ ବ୍ୟୁରୋ:ନଦୀ ପଠା ରେ ବେଆଇନ  ନିର୍ମାଣ କଥା ହେଉ କି ରୁଟି ମେସିନ ରେ  ନାବାଳକ ର ଡାହାଣ ହାତ ଆଙ୍ଗୁଠି  କଟିବା ଘଟଣା ଏହି ଶୀର୍ଷକ ଖବର  ପରେ  ପିପିଲି ରେ କାର୍ଯ୍ୟ କରୁଥିବା ଗଣମାଧ୍ୟମ ଉପରେ ଅଙ୍ଗୁଳି ଉଠାଇଛନ୍ତି ବୁଦ୍ଧିଜୀବି ।  ନିଜକୁ ଚତୁର୍ଥ ବୋଲାଉ ଥିବା  ପ୍ରତିନିଧି ମାନେ ନିଜ ନିଜର  ଦାୟିତ୍ବ ତୁଲାଇବା ରେ କେଉଁଠି ପ୍ରତିବନ୍ଧକ ରହିଲା ବୋଲି ପ୍ରଶ୍ନ କରିବା ସହିତ  ଏଭଳି ଖବର ଚାପିବା ପଛରେ କଣ ରହସ୍ୟ ରହିଛି ବୋଲି ପ୍ରଶ୍ନ କରିଛନ୍ତି ।

ଗତ କିଛିଦିନ ତଳେ ପିପିଲି କଣ୍ଟି ଠାରେ ଦୟା ନଦୀ ପଠା ରେ ବେଆଇନ ନିର୍ମାଣ ନେଇ ସ୍ଥାନୀୟ ଜନସାଧାରଣ ଙ୍କର ଅଭିଯୋଗ ସାମନା କୁ ଆସିଥିଲା। କଣ୍ଟି ଅଞ୍ଚଳର ସ୍ଥାନୀୟ ବାସିନ୍ଦା ଏ ନେଇ ମନ୍ତ୍ରୀ ଙ୍କ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ର ଦ୍ବାରସ୍ଥ ହୋଇଥିଲେ । ନଦୀରେ ବନ୍ୟା ଆସିଲେ କଣ୍ଟି ପଂଚାୟତ ପ୍ରଭାବିତ ହେବାର ଆଶଙ୍କା କରି ଲୋକେ ଭୟଭୀତ ହୋଇ ପଡ଼ିଥିଲେ , ପରିବେଶ ଦିବସ ଅବସରରେ ଏହାକୁ ବିରୋଧ କରି ବିଭିନ୍ନ ରାଜନୈତିକ ସଙ୍ଗଠନ ଓ ସ୍ଥାନୀୟ ଗ୍ରାମବାସୀ ନଦୀ ପଠାରେ ବେଆଇନ କାମ କୁ ବିରୋଧ କରିଥିଲେ । ମାତ୍ର ଏହି ଶୀର୍ଷକ ଖବର ମଧ୍ୟ ସେ ସମୟ ରେ ଅନେକ ପ୍ରତିଷ୍ଠିତ ଛାପା ଓ ବୈଦୁତିକ ଗଣମାଧ୍ୟମ ରେ ପ୍ରସାରିତ ହୋଇ ପାରି ନଥିଲା ।

ଠିକ ସେହିପରି  ଗତକାଲି ରୁଟି ଦୋକାନ ରେ ନାବାଳକ  ବଡ଼ ଦୁର୍ଘଟଣା ରୁ ଅଳ୍ପକେ ବର୍ତ୍ତିଯାଇ ଥିଲେ ମଧ୍ୟ ଡାହାଣ ହାତ ର ଦୁଇ ଗୋଟି ଅଙ୍ଗୁଠି ରୁଟି ମେସିନ ରେ ପଶି  କଟିଥିଲା । ପ୍ରାୟ ଅଧଘଣ୍ଟା ପରିଶ୍ରମ କରି ଅଗ୍ନିଶମ ବିଭାଗ କର୍ମଚାରୀ ମାନେ ଏହି ନାବାଳକ କୁ ଉଦ୍ଧାର କରି ଚିକିତ୍ସା ପାଇଁ ପିପିଲି ଡାକ୍ତର ଖାନା ରେ ଭର୍ତ୍ତି କରିଥିଲେ । କିନ୍ତୁ ଏଭଳି ଖବର କୁ ମଧ୍ୟ ଆଜି  ପ୍ରତିଷ୍ଠିତ ଖବର ରେ ସ୍ଥାନ ମିଳି ପାରିଲା ନାହିଁ, ଯାହା ପାଇଁ ପାଠକ ଙ୍କ ସମାଲୋଚନା ର ଶୀକାର ହୋଇଛନ୍ତି ଅନେକ ।  ଏତିକି ନୁହେଁ ଗତକାଲି ଏତେ ବଡ଼ ଘଟଣା ପରେ ପିପିଲି ପୋଲିସ ଉପରେ ପ୍ରଶ୍ନ ଉଠାଇଛନ୍ତି ବୁଦ୍ଧିଜୀବୀ  ଏତେ ବଡ଼ ଘଟଣା ପରେ  ପିପିଲି ପୋଲିସ ର ନୀରବତା କୁ ନେଇ  ମଧ୍ୟ ପ୍ରଶ୍ନ ଉଠିଛି । ଏଡ଼େ ବଡ଼ ଘଟଣା ପରେ ପୋଲିସ ମାମଲା ନ  କରିବା ପଛରେ  କଣ ରହିଛି ରହସ୍ୟ ବୋଲି ମଧ୍ୟ ଏବେ ପ୍ରଶ୍ନ ଉଠିବା ସ୍ବଭାବିକ । ତେବେ ଦେଖାଯାଉ ଏହି ଘଟଣା କୁ ଚପାଇବାରେ ରେ କିଏ କେଉଁ ଭୂମିକା ତୁଲାଉଛି ।