ପଞ୍ଚଦଶ ଜାଗୃତି ମହୋତ୍ସବ-୨୦୨୪ ଉଦଘାଟିତ, ମନ୍ତ୍ରମୁଗ୍ଧ କଲା ଜାଗୃତି ନୃତ୍ୟାଞ୍ଜଳି

 

                                                                       

ପିପିଲି –ରାଷ୍ଟ୍ରିୟ ନବବର୍ଷ ପାଳନ ଉପଲକ୍ଷେ ଜାଗୃତି ସାଂସ୍କୃତିକ ଯୁବ ସଂଗଠନ ପକ୍ଷରୁ ପିପିଲି ବଜାର ମେଳନ ପଡିଆ ରେ ତିନି ଦିନିଆ ପଞ୍ଚଦଶ  ଜାଗୃତି ମହୋତ୍ସବ ୨୦୨୪ ମଙ୍ଗଳ ବାର ଦିନ ଉଦଘାଟିତ ହୋଇଯାଇଛି । ଉତ୍ସବରେ ସଂଗଠନର ସଭାପତି ପ୍ରଭାତ କୁମାର ମହାପାତ୍ରଙ୍କ ସଭାପତିତ୍ୱରେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ଭି-ଗାର୍ଡ ଓଡ଼ିଶା ମୁଖ୍ୟ ସୁମନ୍ତ କୁମାର ପ୍ରଧାନ , ସମ୍ମାନିତ ଅତିଥି ହାଇଟେକ୍ ମେଡିକାଲ୍ କଲେଜର ମୁଖ୍ୟ ପ୍ରଶାସନିକ ଅଧିକାରୀ ମାଲକିନ ବେହେରା , ବାସୁଦେବ ବେହେରା ଯୋଗଦେଇ ରାଷ୍ଟ୍ରସୃଷ୍ଟି  ଦିନ ଭାବନାରେ ଭଗବାନ ଙ୍କ ଅବଦାନ ସମ୍ପର୍କରେ ଆଲୋକପାତ କରିଥିଲେ ।  ମୁଖ୍ୟ ବକ୍ତା ଭାବେ  ସହ କ୍ଷେତ୍ରୀୟ ପ୍ରଚାରକ ରାଷ୍ଟ୍ରୀୟ ସ୍ଵୟଂସେବକ ସଂଘ ଜଗଦୀଶ ପ୍ରସାଦ ଖାଡେଙ୍ଗା , ଅତିଥି ଭାବେ ଶିକ୍ଷା ବିତ ସୋନମ୍ ମହାପାତ୍ର ପ୍ରମୁଖ ଯୋଗ ଦେଇ ଭାରତୀୟ ନବବର୍ଷର ସଂସ୍କୃତି ପରମ୍ପରା ର ଏହି ଉତ୍ସବକୁ ବହୁ ପ୍ରଶଂସା କରିଥିଲେ । କାର୍ଯ୍ୟକ୍ରମରେ ଅନୁଷ୍ଠାନର ମୁଖ୍ୟ ଉପଦେଷ୍ଟା ଅଧ୍ୟାପକ ଡଃ. ସଚ୍ଚୀକାନ୍ତ ନାୟକ , ଉପଦେଷ୍ଟା ମଣ୍ଡଳୀ ଇଂ ରମେଶ ସତପଥୀ, ବାମଦେବ ମିଶ୍ର , ରଘୁନାଥ ଦାସ  ପ୍ରମୁଖ ଯୋଗ ଦେଇଥିବା ବେଳେ କୃଷକ ରତ୍ନ ସମ୍ମାନ ରେ ଲଛମନ ଦଳେଇ ଙ୍କୁ ସମ୍ମାନିତ କରାଯାଇଥିଲା।ଏହାସହ ପରିବେଶ ବିତ୍ତ ପୂର୍ବି ପୁଣ୍ଣାସା ମିଶ୍ର, ନୃତ୍ୟ ଗୁରୁ ଜଗନ୍ନାଥ ମଲ୍ଲିକ , ସିନେ ଅଭିନେତ୍ରୀ ତୃପ୍ତି ମିରାମ୍ବିକା ଙ୍କୁ ଜାଗୃତି ସମ୍ମାନ ପ୍ରଦାନ କରାଯାଇଥିଲା।  କାର୍ଯ୍ୟକ୍ରମରେ ସ୍ଥାନୀୟ ପ୍ରାଚିସଂଗୀତ ବିଦ୍ୟାଳୟର କଳାକାର ଙ୍କ ଦ୍ୱାରା  ଓ ଓଡିଶୀ ନୃତ୍ୟ ସଙ୍ଗୀତ ପରିବେଷଣ ହୋଇଥିଲା  । କଳାକାର ମାନଙ୍କ ଦ୍ଵାରା ଜାଗୃତି ନୃତ୍ୟାଞ୍ଜଳି ପରିବେଷଣ ହଜାର ହଜାର ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲ। । କାର୍ଯ୍ୟକ୍ରମରେ ଅନୁଷ୍ଠାନର ମିଡିଆ ଆବାହକ ତଥା ସାମ୍ବାଦିକ ମନୋରଂଜନ ମହାପାତ୍ରଙ୍କ ଦ୍ୱାରା ମହୋତ୍ସବ  ସଂନ୍ଧ୍ୟାରେ କାର୍ଯ୍ୟକ୍ରମର ସିଧାପ୍ରସାରଣ କରାଯାଇଥିବା ବେଳେ ସମାଜସେବୀ ଇଂ ଜେନାମଣି ଆଶିଷ ଜେନା ସମ୍ବର୍ଦ୍ଧନା ପାଠ କରିଥିଲେ। ଅନୁଷ୍ଠାନର ସାଧାରଣ ସଂପାଦକ ବିଭୁନି ସାମନ୍ତରାୟ , ଉପସଭାପତି ମନୋଜ ପ୍ରଧାନ, ବିକାଶ ଅଗ୍ରୱାଲ, ମାନସ ମହାପାତ୍ର, ମୁନୁ ଅଗ୍ରୱାଲ, ପ୍ରଫୁଲ୍ଲ ସାହୁ , ବାପୁ ବେହେରା, ସମ୍ପଦ ମହାପାତ୍ର, ଚନ୍ଦନ ମହାନ୍ତି, ଗଜେନ୍ଦ୍ର ବେହେରା, ସର୍ବେଶ୍ୱର ବୈଠାରୁ , ସୌମ୍ୟରଞ୍ଜନ ବେହେରା ଙ୍କ ସହ ଜାଗୃତି ସଂଗଠନର ସମସ୍ତ ସଭ୍ୟ ସଭ୍ୟା ମାନେ କାର୍ଯ୍ୟକ୍ରମକୁ ପରିଚାଳନା କରିଥିଲେ ।